İranın BMT-dəki nümayəndəliyi ABŞ dövlət katibi Marko Rubionun İran nümayəndə heyətinin Nyu-Yorku dərhal tərk etməл barədə göstəriş verdiyinə dair yayılan xəbərləri təkzib edib.
APA-nın Tehran bürosunun məlumatına görə, bu barədə Nümayəndəlik “X” sosial şəbəkəsində açıqlama yayımlayıb.
Açıqlamada bildirilib ki, İran nümayəndə heyəti bazar ertəsi axşam əvvəlcədən müəyyən edilmiş qrafikə uyğun olaraq Nyu-Yorku tərk edib.
“Bu qrafik sentyabrın 17-də ABŞ Dövlət Departamentinə də bildirilib”, – açıqlamada qeyd olunub.
Nümayəndəlik yayılan xəbərləri əsassız adlandırıb.
Qeyd edək ki, “Axios”un ABŞ rəsmisinə istinadən yaydığı məlumata görə, Marko Rubio Vaşinqton və Tehran arasında danışıqların dalana dirənməsindən sonra İranın BMT Baş Assambleyasındakı nümayəndə heyətinin ABŞ-ı dərhal tərk etməsini tələb edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
