İranda çərşənbələrdə baş vermiş alışqan maddələrin partlayışı nəticəsində bu günədək 8 nəfər ölüb, 275 nəfər yaralanıb.
APA-nın Tehran bürosu xəbər verir ki, bu barədə İran Təcili Tibbi Xidmət mərkəzi açıqlama verib.
Bildirilir ki, yaralılardan 25 nəfər bədən üzvlərini itirib, 81 nəfər gözündən xəsarət alıb.
Qeyd edək ki, İran polisi sonuncu çərşənbə ilə bağlı əhaliyə xəbərdarlıq edərək onları alışqan və partlayıcı maddələrlə ehtiyatlı olmağa çağırıb. Hər il sonuncu ilaxır çərşənbədə İranda alışqan və partlayıcı maddələrlə ehtiyatsız davranışa görə onlarla insan həyatını itirir və yüzlərlə insan isə xəsarət alır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
