İsrailin Livanın cənubuna yeni hava zərbələri endirdiyi bildirilir.
Livan mediası xəbər verir ki, avqustun 16-na keçən gecə Nəbatiyə bölgəsinə yaxın strateji Əli Tahir yüksəkliklərində güclü partlayışlar qeydə alınıb. İsrail ordusu gecə həyata keçirildiyi bildirilən bu zərbələri hələlik rəsmən təsdiqləməyib.
Məlumata görə, hücumlar Hizbullahın avqustun 15-də partlayıcı daşıyan pilotsuz uçuş aparatı ilə İsrail hərbçilərinə hücum etməsindən sonra baş verib. İsrail ordusu həmin hücum nəticəsində üç əsgərin ağır yaralandığını bildirib.
Gərginliyin artdığı bir vaxtda İsrailin müdafiə naziri İsrael Katz sərt açıqlama verib. O bildirib ki, “heç bir cəbhədə hesab açıq qalmayacaq” və İsrail öz əsgərlərini və vətəndaşlarını güclü şəkildə müdafiə edəcək.
Livan mediasının məlumatına görə, avqustun 15-də İsrailin həyata keçirdiyi zərbələr nəticəsində ümumilikdə 11 nəfər həlak olub və ölənlər arasında mülki şəxslər də olub.
Son qarşılıqlı hücumlar İsrail-Livan sərhədində gərginliyin yenidən yüksəlməsi ehtimalını artırıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
