Bakı. Real Cəfərli - APA. “Altılıq” ölkələri İranın nüvə proqramı ilə bağlı bəyanat yayıblar. APA-nın “Fars” xəbər agentliyinə istinadən məlumatına görə, sənəd Atom Enerjisi üzrə Beynəlxalq Agentliyin (AEBA) İdarə Heyətinin Vyanada keçirilən yığıncağında oxunulub.
Bəyanatda İranın nüvə fəaliyyətlərindən narahatlıq keçirildiyi qeyd edilib. “Reuters” xəbər agentliyi isə “altılıq” ölkələrinin daha sərt bəyanat vermək istədiyini, ancaq Rusiya və Çin nümayəndələrinin buna qarşı çıxdığını bildirib.