APA-nın “Oyannews”a istinadən verdiyi məlumata görə, buna səbəb kimi Həsən Ruhaninin iyunun 7-də İran dövlət televiziyasında daxili və xarici siyasət mövzusunda keçirilmiş sonuncu debat zamanı ölkənin nüvə proqramı barədə bəzi gizli məlumatları açıqlaması göstərilir. Məsələnin bu gün İran Konstitusiyasına Nəzarət Şurası (Şura-ye Negəhban) müzakirəyə çıxarılacağı və onun seçki marafonundan kənarlaşdırılacağı ilə bağlı qərar qəbul ediləcəyi gözlənilir.
Qeyd edək ki, H. Ruhani 1960-cı ildə Simnan Sadiqiyyə Elmlər Seminariyasında dini təhsil alıb. 1961-ci ildə Qum Dini Elmlər Seminariyasına daxil olan H. Ruhani 1989-2005-ci illərdə İran Ali Milli Təhlükəsizlik Şurasının katibi və IV və V çağırış İran parlamentinin sədr əvəzi olub.
O, həmçinin İran Üləmalar Məclisi (Xubreqan) və İran Məsləhət Şurasının üzvü olub.
Hazırda İran Məsləhət Şurası Strateji Araşdırmalar Mərkəzinə rəhbərlik edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
