Bakı. Real Cəfərli - APA. BMT-nin İnkişaf Proqramının (UNDP) rəhbəri xanım Helen Klark oktyabrın 21-də İranda səfərdədir.
APA-nın İran mətbuatına istinadən məlumatına görə, oktyabrın 22-də İran Xarici İşlər Nazirliyinin Siyasi və Beynəlxalq Araşdırmalar Mərkəzində BMT günü qeyd olunub.
İran xarici işlər nazirinin beynəlxalq və hüquqi məsələlər üzrə müavini Seyid Abbas Əraqçı Məhəmməd Cavad Zərifin müraciətini oxuyub. Eyni zamanda BMT-nin İran domeni (www.un.org.ir) ilə saytının təqdimat mərasimi keçirilib. Veb-səhifə hələlik ingilis dilində fəaliyyət göstərsə də, yaxın aylarda fars bölməsinin də istifadə veriləcəyi bildirilib.
H.Klark səfər çərçivəsində İranın bir sıra rəsmiləri ilə görüşüb. Onun İranın xarici işlər naziri ilə görüşü planlaşdırılır. Görüşlərdə İranla BMT və BMT-nin İnkişaf Proqramı arasında əməkdaşlığı dərinləşdirmək əsas müzakirə mövzularından biridir. H.Klarkın İrana səfərini bu gün sona çatacağı qeyd olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
