Bakı-APA. ABŞ və Çin BMT Təhlükəsizlik Şurasının Şimali Koreyaya qarşı sanksiyaların genişləndirilməsinə dair qətnamə layihəsi üzrə razılığa gəliblər.
APA-nın “Rosbalt” agentliyinə istinadən verdiyi məlumata görə, bu barədə BMT-dəki diplomatik mənbələr bildirib.
Diplomatların sözlərinə görə, sənəd yaxın günlərdə səsverməyə çıxarıla bilər.
Qeyd edək ki, bundan əvvəl Çin xarici işlər naziri Van İ bəyan etmişdi ki, BMT Təhlükəsizlik Şurasının Şimali Koreyanın nüvə sınaqlarına dair qətnaməsi üzərində işlər yaxın günlərdə yekunlaşacaq.
Xatırladaq ki, rəsmi Pxenyan 2016-cı ilin əvvəlində nüvə sınaqları keçirib və sınaq üçün ballistik raket buraxıb. Cənubi Koreya, Çin, Rusiya, ABŞ, Avstraliya və Yaponiya bunu Təhlükəsizlik Şurasının müvafiq qətnaməsinin pozulması kimi qiymətləndirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
