Bakı-APA. ABŞ başçılığı ilə beynəlxalq koalisiya qüvvələrinin hərbi təyyarələri indiyədək İŞİD terror qruplaşmasının Suriya və İraqdakı mövqelərinə 9,5 min hava zərbəsi endirib.
APA-nın “Gazeta.ru”-ya istinadən verdiyi məlumata görə, bu barədə Ağ Evin yaydığı açıqlamada bildirilir.
“12 koalisiya üzvü terrorçuların Suriya və İraqdakı mövqelərinə 9,5 min hava zərbəsi endirib. O cümlədən 630 zərbə İraqın Ər-Ramadi şəhərində. Ümumilikdə hava zərbələri nəticəsində terrorçuların 3 450 avtomobili və zirehli texnikası sıradan çıxarılıb, 1 120 artilleriya və qumbaraatan döyüş sursatı, 1 170 neft infrastrukturu komponenti məhv edilib. İŞİD-in 13,5 min atəş nöqtəsi, o cümlədən 39 təlim düşərgəsi məhv edilib”, məlumatda deyilir.
Açıqlamada həmçinin vurğulanır ki, 2015-ci ilin dekabrında hava zərbələri nəticəsində onlarla İŞİD lideri öldürülüb.
Xatırladaq ki, 2014-cü ilin avqustundan ABŞ başda olmaqla beynəlxalq koalisiya İŞİD-in İraqda, sentyabrdan isə Suriyada yerləşən mövqelərinə hava zərbələri endirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
