APA-nın İran mətbuatına istinadən verdiyi məlumata görə, Avropa Parlamentinin üç nəfərdən ibarət nümayəndə heyətinə Avstriya Sosial-Demokrat Partiyasının sədri Hans Svoboda rəhbərlik edir.
Onu müşayiət edən digər iki nəfər də bu partiyanın üzvüdür. Avroparlamentarilər 4 gün davam edəcək səfər çərçivəsində İranın bəzi rəsmiləri ilə görüşlər keçirəcəklər.
Görüşlərdə ikitərəfli əlaqələrin daha da inkişaf etdirilməsi, regional və beynəlxalq məsələlər əsas müzakirə mövzusu olacaq.
Artıq avroparlamentarilər oktyabrın 20-də İran parlamentində olub, bir sıra deputatlarla görüşüblər.
Qeyd edək ki, H. Svoboda İranda Həsən Ruhaninin hakimiyyətə gəlməsindən sonra Avropanın bu ölkəyə səfər edən ilk yüksək ranqlı rəsmisidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
