Bakı. Real Cəfərli – APA. “İran Yəmənə silah göndərir”.
APA-nın məlumatına görə, bu barədə BMT-nin Həqiqətləri Araşdırma Komissiyasının hesabatında bildirilir.
Hesabatda deyilir ki, bu ilin may ayında sözügedən komissiyanın mütəxəssisləri Yəmənə səfər ediblər: “Onlar Yəmənin Sahil Mühafizə Xidməti və ABŞ Hərbi-Dəniz Qüvvələrinin bu il yanvarın 23-də Yəmənin sahil sularında ələ keçirdiyi “Dünya” adlı gəmidə araşdırmalar aparıblar”.
Sənəddə qeyd edilir ki, gəmidə 122 millimetrlik mərmi, RPG tipi tankvuran, C-4 partlayıcı və elektronik cihazlar mövcud olub: “Gəmidəki silahlarla daha əvvəl ələ keçərilən İran istehsalı silahlarla qablaşdırma və etiketləşdirmə kimi vizual bənzərliklər ortaya çıxarılıb”. Hesabatda həmçinin İranın BMT-nin 2007-ci ildə qəbul etdiyi 1747 saylı qərarına qarşı çıxdığı vurğulanır.
Qeyd edək ki, BMT-nin 1747 saylı qərarı İranın öz ərazisi üzərindən gəmi və təyyarə ilə və ya birbaşa və dolayı yollarla silah ticarəti ilə məşğul olması, ya da nəql etməsi qadağandır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
