Bakı-APA. Dəməşqdə törədilən partlayış nəticəsində 3 nəfər ölüb, 7 nəfər isə yaralanıb. APA-nın “RİA Novosti”yə istinadən verdiyi xəbərə görə, bu barədə Suriyanın SANA informasiya agentliyi məlumat yayıb.
Rəsmi qurumların məlumatına əsasən, partlayış avtomobilin altına quraşdırılmış partladıcı qurğunun işə salınması nəticəsində baş verib.
İnsident Suriya paytaxtının şimalında yerləşən Rukn ad Din rayonunda qeydə alınıb.