Bakı-APA. Türkiyənin Diyarbəkir vilayətinin Lice ilçəsində polis məntəqəsinin tikilməsinə etiraz edən qrupla təhlükəsizlik qüvvələri arasında qarşıdurma olub. Etirazçılar fəhlələrə hücum ediblər. Onlar fəhlələrə daş atmağa başlayandan sonra polis olaya müdaxilə edib. Polis gözyaşardıcı qazdan istifadə etsə də, etirazçılar geri çəkilməyiblər. Onlar fəhlələrin qaldığı çadırlara od vurublar. Polisin havaya atəş açması da etirazçıların qarşısı almayıb. Etirazçılar polisin də üzərinə hücuma keçiblər. Yaranmış qarşıdurmada 1 nəfər etirazçı həlak olub, 6 nəfər isə yaralanıb.