Bakı. Real Cəfərli - APA. Gələn həftə İranla “altılıq” ölkələri arasında mütəxəssislər səviyyəsində üç toplantı keçiriləcək.
APA-nın İran mətbuatına istinadən məlumatına görə, bunu İranın xarici işlər nazirinin beynəlxalq və hüquq məsələlər üzrə müavini Seyid Abbas Əraqçı bildirib.
Onun sözlərinə görə, yığıncaqların harada keçiriləcəyi hələlik dəqiqləşməyib: “Bununla bağlı bu gün və ya sabah son qərarın veriləcəyini ehtimal edirəm. Toplantı oktyabrın 28-29-da İranla Atom Enerjisi üzrə Beynəlxalq Agentlik (AEBA) arasında Vyanada keçiriləcək növbəti danışıqlardan sonra reallaşacaq”.
Qeyd edək ki, oktyabrın 15-16-da İranla “altılıq” ölkələri arasında Cenevrədə keçirilmiş nüvə müzakirələrində nüvə, elm və sanksiya mövzusunda mütəxəssislər səviyyəsində komitələr yaradılması qərara alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
