Bakı. Real Cəfərli – APA. İranda gələn həftə keçiriləcək seçkilərdə islahatçılar düşərgəsinin hansı islahatçı prezidentliyə namizədi dəstəkləyəcəyi məlum olacaq.
APA-nın İLNA-ya istinadən məlumatına görə, İslahatçılar Cəbhəsinin Koordinasiya Şurasının sözçüsü Həmid Qəzvini bildirib ki, növbəti üç gün ərzində bu barədə qərar qəbul ediləcəyinə ümidlidirlər: “İyunun 5-də İslahatçılar Cəbhəsinin Koordinasiya Şurası ilə İran prezidentliyinə namizəd Məhəmmədrza Arif arasında görüş keçirilib. Arif islahatçılar düşərgəsində böyük nüfuza malikdir. Həsən Ruhaninin də islahatçıların baxışlarına yaxınlığı var. Bu səbəbdən üç gün ərzində islahatçıların onlardan hansını dəstəkləyəcəyi məlum olacaq”.
Qeyd edək ki, İranda prezident seçkiləri iyunun 14-də keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
