Bakı-APA. İraqda ordu qüvvələrinin keçirdiyi əməliyyat nəticəsində çoxlu sayda ölənlər və yaralananlar var.
APA-nın Türkiyə mətbuatına istinadən verdiyi məlumata görə, İraqın Əl-Ənbər vilayətində silahlı aşirət qruplarına qarşı keçirilən əməliyyatda orduya dəstək verən ''Sahvə güçləri''ndən 43 nəfər ölüb, 26 nəfər xəsarət alıb.
Bundan başqa, bir mülki vətəndaşın öldüyü, 9 nəfərin isə yaralandığı bildirilib.
İraqdakı yerli mənbələr ordunun çoxlu sayda itki verəndən sonra ərazidən geri çəkildiyini açıqlayıblar. Amma rəsmi mənbələr bununla bağlı hər hansı açıqlama verməyiblər.