Bakı-APA. Bu gün İspaniya parlamentinə növbədənkənar seçkilər keçirilir.
APA-nın “RİA Novosti” agentliyinə istinadən verdiyi məlumata görə, Konqres və Senata seçkilər yerli vaxtla səhət saat 9.00-da (Bakı vaxtı ilə 11.00) başlayıb, saat 20.00-da (Bakı vaxtı ilə 22.00) başa çatacaq.
Konqresdə 350 yer uğrunda 545 namizəd, Senatda 208 yer uğrunda 585 nəfər mübarizə aparır.
Qeyd edək ki, İspaniya parlamentinə son seçkilər 20 dekabr 2015-ci ildə keçirilib. Lakin Konqres ötən müddət ərzində baş naziri seçə bilməyib. Bu, İspaniya tarixində diktator Fransisko Frankonun ölümündən sonra keçirilən 13-cü parlament seçkiləridir. Partiyalar parlamentdə təmsilçilik hüququ qazanmaq üçün 3 faizlik baryeri keçməlidir. Növbədənkənar parlament seçkiləri üçün İspaniyanın dövlət büdcəsindən 130 milyon avro ayrılıb. Parlamentin hər iki palatasının iclası iyulun 20-də keçirilməlidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
