Bakı-APA. Silahlıların Eylat kurort şəhəri istiqamətində atdığı raket İsrail hərbçiləri tərəfindən məhv edilib. APA-nın “RİA Novosti”yə istinadən verdiyi məlumata görə, bu barədə İsrail ordusunun mətbuat katibliyinin nümayəndəsi xəbər verib.
“Həmin raketin məhv edilməsi üçün “Dəmir qübbə” raket əleyhinə sistemi işə salınıb. Zərərçəkənlər və dağıntı yoxdur”, - deyə o vurğulayıb.
Qeyd edək ki, bu vaxtadək Eylat bölgəsində raket əleyhinə komplekslərdən istifadə olunmayıb.