Bakı - APA. Əfqanıstan paytaxtında içinə bomba yerləşdirilmiş avtomobilin terrorçu-kamikadze tərəfindən partladılması nəticəsində koalisiya qüvvələrinin üç döyüşçüsü həlak olub.
APA-nın “Agence France-Presse”yə istinadən xəbərinə görə, bu barədə NATO-nun Əfqanıstandakı missiyasının rəhbərliyi açıqlama yayıb.
Həlak olanların hansı ölkənin vətəndaşı olması barədə məlumat verilmir. NATO-nun “Kemp Feniks” hərbi bazası yaxınlığında baş verən partlayış nəticəsində altı yerli sakin də xəsarət alıb. Terror aktına görə məsuliyyəti “Taliban” hərəkatı üzərinə götürüb.