Bakı-APA. Oktyabrın 17-də İraqda törədilən partlayışlarda ölənlərin sayı 61-ə çatıb. APA-nın “Assoşieyted Press”ə istinadən verdiyi xəbərə görə, 43 nəfərin ölümü ilə nəticələnən ən güclü partlayışlar Bağdadın müxtəlif rayonlarında baş verib. Partlayışlardan biri də Tyz-Hormato şəhərində törədilib, burada 3 nəfər ölüb. Daha bir partlayış Mosul şəhərinin şimalındakı kənddə baş verib, nəticədə 15 nəfər ölüb, azı 52 nəfər yaralanıb. Bir neçə ev tamamilə uçub. Partlayışların əksəriyyəti terrorçu-kamikadze tərəfindən törədilib.
Qeyd edək ki, İraqda bu ilin əvvəlindən 6 minədək hücumların və partlayışların qurbanı olub. Yalnız sentyabr ayında bu ölkədə mindən çox insan zorakılıq nəticəsində həlak olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
