APA-nın İTAR-TASS agentliyinə istinadən verdiyi xəbərə görə, İsrail ordusunun Qəzza zolağında apardığı əməliyyatla əlaqədar inauqurasiya mərasimi qısaldılmış şəkildə keçiriləcək.
Məlum olduğu kimi, “Likud” partiyasının lideri Reuven Rivlin iyunun 10-da İsrailin sayca 10-cu prezidenti seçilib. Knessetdə onun lehinə 119 deputatdan 63-ü səs verib.
Reuven Rivlin 1939-cu il, sentyabrın 9-da Qüdsdə, ziyalı ailəsində dünyaya gəlib. Qüdsün Yəhudi Universitetinin hüquq fakültəsini bitirib. Siyasi fəaliyyətə 1978-ci ildə, Qüdsün bələdiyyəsinə seçilərkən başlayıb. 1988-ci ildə Knessetə seçilib, 1988-1993-cü illərdə “Likud” partiyasının lideri olub. İkinci dəfə parlamentə 1996-cı ildə seçilən Rivlin dörd dəfə Knessetə təkrar seçilib, iki dəfə parlamentin spikeri olub.
Qeyd edək ki, Reuven Rivlin bundan öncə 2007-ci ildə prezident kürsüsü uğrunda mübarizədə Şimon Peresə uduzmuşdu. İsrail prezidenti Knesset tərəfindən 7 illik müddətə seçilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
