Bakı-APA. ABŞ və Rusiya hərbçiləri arasında Suriyada uçuşların təhlükəsizliyi sahəsində anlaşma memorandumuna dair videokonfrans keçirilib. APA-nın “RİA Novosti”yə istinadən verdiyi xəbərə görə, bunu Pentaqonun rəsmi nümayəndəsi Piter Kuk bildirib.
“Müdafiə nazirinin müavininin vəzifəsini icra edən Elissa Slotkinin və Qərargah Rəisləri Komitəsinin Strateji Planlaşdırma və Siyasət İdarəsinin rəhbəri general-leytenant Kennet Makkenzinin rəhbərlik etdiyi ABŞ Müdafiə Nazirliyinin nümayəndə heyəti rusiyalı həmkarlarla Suriyanın hava məkanında uçuşların təhlükəsizliyinə dair anlaşma memorandumun davam edən icrası ilə bağlı videokonfrans keçiriblər”, - deyə Kuk bildirib.
Onun sözlərinə görə, tərəflər antiterror koalisiya qüvvələrinin əməliyyat təhlükəsizliyinin artırılması üzrə tədbirləri və təsadüfi baş verə biləcək insidentlərin qarşısının alınması üzrə mümkün vasitələri müzakirə ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
