Bakı-APA. Suriyanın Hələb şəhərində “Reuters” informasiya agentliyinin ştatdankənar fotoqrafı şəhər ətrafında üsyançılarla hökumət qoşunları arasında gedən döyüşləri işıqlandırarkən həlak olub. APA-nın “Reuters”-ə istinadən verdiyi xəbərə görə, fotoqraf Mölhem Bərəkət ötən gün Hələb şəhər xəstəxanasının yaxınlığında silahlı müxalifət dəstəsi və hökumət qoşunları arasında gedən döyüşü işıqlandıran zaman öldürülüb.
Amnesty International hüquq-müdafiə təşkilatının hesablamalarına əsasən, Suriyada münaqişə dövründə azı 36 jurnalist qəsdən qətlə yetirilib.