Bakı-APA. “İraq və Levanta islam dövləti” adlı radikal dini qruplaşması yanvarın 6-da Hələbdə əsir saxladığı şəxsləri qətlə yetirib. APA-nın məlumatına görə, bu barədə “Əl-Cəzirə” telekanalı Suriya müxalifətinə və yerli fəallara istinadən xəbər yayıb.
Suriyanın “Yerli koordinasiya komitələri” təşkilatının yaydığı məlumatda islamçıların ən azı 50 nəfəri qətlə yetirdiyi bildirilir. Öz növbəsində “Liva-at-Tauhid” islam dini qruplaşması bəyan edib ki, onun üzvləri öldürülən 20 nəfər əsirin meyitini görüb.
Öldürülənlər arasında jurnalistlər, humanitar missiyaların əməkdaşları və yerli sakinlər olub.
Suriya Jurnalistləri Assosiasiyası bəyan edib ki, qətlə yetirilən əsirlər arasında Suriyanın “Şada əl Harriya” telekanalının 4 əməkdaşı olub. Jurnalistlərin “İraq və Levanta islam dövləti” qruplaşması tərəfindən ötən ilin dekabr ayında oğurlandığı bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
