Bakı. Real Cəfərli - APA. İranda yol qəzası baş verib. APA-nın “Radiofərda”ya istinadən məlumatına görə, hadisə oktyabrın 6-da Tehran-Təbriz magistralında olub.
Təbrizdən Zəncana gedən avtobusun qəzaya uğraması nəticəsində bir yaralı xəstəxanaya aparılarkən yoldaca keçinib, xeyli adam müxtəlif dərəcəli bədən xəsarətləri alıb. Ölən şəxsin Hüseyn Təhmasibi olduğu bildirilir. Sürücüdən başqa digər yaralılar Zəncan şəhər xəstəxanasında ambulator müayinədən sonra evə buraxılıblar.