Bakı. Real Cəfərli - APA. Son günlər Türkiyədə baş verən hadisələrlə bağlı həbs edilənlər arasında 2 İran vətəndaşı da var.
APA-nın “Radiofərda”ya istinadən məlumatına görə, bu barədə Türkiyənin daxili işlər naziri Müəmmar Gülər açıqlama verib.
Onun sözlərinə görə, İstanbulda 6, Ankarada isə 1 xarici vətəndaş tutulub: “Diplomatik pasportu olmayan həmin şəxslərdən ikisi Fransa, biri Yunanıstan, biri ABŞ, biri Almaniya, ikisi isə İran vətəndaşıdır”.
Bu arada İranın Türkiyədəki səfirliyi Gəzinti parkı hadisələri ilə bağlı həbsə alınan 1 İran vətəndaşının qısa müddət sonra sərbəst buraxıldığını açıqlayıb. Diplomatik korpus həmçinin keçirilən nümayişlərdə digər vətəndaşlarının tutulub-tutulmaması ilə bağlı məlumat almaq üçün Türkiyə Xarici İşlər Nazirliyinə müraciət edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
