Bakı-APA. Ankarada törədilən partlayış anında Avstraliyanın Türkiyədəki səfiri Ceyms Larsen hadisə yerindən 20 m aralıda, xidməti avtomobilində olub.
APA-nın TASS agentliyinə istinadən verdiyi məlumata görə, bu barədə Avstraliyanın xarici işlər naziri Culi Bişop bildirib.
“Mən onunla telefonla danışdım. O böyük sarsıntı keçirib, indiyədək özünə gələ bilmir”, deyə C.Bişop qeyd edib.
Nazir əlavə edib ki, partlayış nəticəsində Avstraliya vətəndaşları zərər çəkməyib.
Xatırladaq ki, martın 13-də Türkiyənin paytaxtı Ankarada baş verən terror aktı nəticəsində 34 nəfər ölüb, 125 nəfər yaralanıb. 34 nəfərin vəziyyəti ağır kimi qiymətləndirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
