Avropa

Ana səhifə

Avropa

Avropa Portuqaliyanın borclarını müzakirə edir

07 aprel 2011 23:45 (UTC +04:00)

Bakı-APA. Macarıstan paytaxtı Budapeştdə toplaşan Avropa maliyyə nazirliklərinin nümayəndələri Portuqaliyanın yardım müraciətini müzakirə edəcəklər.
APA-nın bbc.com saytına istinadən verdiyi xəbərə görə, Portuqaliya İrlandiya ilə Yunanıstandan sonra Avropa İttifaqına yardım xahişi ilə üz tutmuş 3-cü ölkədir.
Yardım müraciəti Avropa paytaxtlarında müsbət reaksiya doğurub.
Avropa Komissiyasının başçısı Jose Manule Barosso deyib ki, Lissabonun müraciəti “ən qısa müddət ərzində nəzərdən keçiriləcək”.
“Bu Avropanın iqtisadi sabitliyi naminə atılan məsuliyyətli addımdır”, - deyib maliyyə məsələləri üzrə Avropa komissarı Olli Rehn.
Ekspertlər Lissabona 80 milyard avronun ayrılacağını təxmin edirlər.
Ekspertlər bildirirlər ki, yardım barədə müraciət Portuqaliyanın mümkün maliyyə çökməsi ilə bağlı, narahatlıqları aradın qaldırıb və tənəzzüllə bağlı vəziyyəti aydınlaşdıraraq onunla qitə miqyasında mübarizəni asanlaşdıracaq.
“Biz bu qərardan məmnunuq. Ümid edirik ki, bu bazarları sakitləşdirəcək ”, - Almaniya parlamentinin maliyyə komitəsinin başçısı Folker Vissing deyib.
Martda hökumətin sərt iqtisadi addımlar proqramı parlament tərəfindən rədd edildikdən baş nazir Jose Sokrates istefasını elan edib.
O, indiyədək Portuqaliyanın böhran öhdəsindən xarici kömək olmadan gələ biləcəyini deyib.
Lakin indi belə görünür ki, müvəqqəti olaraq hökumət başçısı qalan Sokrates mövqeyini dəyişdirib.
“Mən həmişə demişəm ki, beynəlxalq yardıma ən son anda müraciət ediləcək. İndi bu məqam gəlib çatıb. Milli maraqlar hər şeydən üstündür”, - deyib Joze Sokrates.
Bu arada Avropa Mərkəzi Bank tərəfindən faizlərin artırılacağı gözlənilir. Təhlilçilərə görə bu kreditlərin bahalaşmasına gətirərək büdcə defisitli ölkələrin sağalma müddətini uzada bilər.