Slovakiyanın Preşov şəhərində dekabrın 6-da yaşayış binasında baş vermiş qaz partlayışı nəticəsində ölənlərin sayı 7-yə çatıb, bir nəfər itkin düşmüş sayılır, 39 nəfər yaralanıb.
Bundan əvvəl hadisə zamanı 5 nəfərin öldüyü açıqlanmışdı.
APA-nın TASS-a istinadən verdiyi məlumata görə, dekabrın 6-da baş vermiş partlayış nəticəsində başlayan yanğını yalnız dekabrın 7-də söndürmək mümkün olub.
Yanğın 13 mərtəbəli binanın altı mərtəbəsini əhatə edib. Binanın uçmaq təhlükəsi var. Uçmasa belə, bələdiyyə orqanları bina ciddi zədələndiyindən, onu söküb yerində yenisini tikmək niyyətindədir.
Xilasedicilər və yanğınsöndürənlər binaya baxış keçirilməsini davam etdirirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
