Avropa

Ana səhifə

Avropa

Aİ-nin Rusiyaya qarşı sanksiyalar paketinin detalları açıqlanıb - YENİLƏNİB - VİDEO

15 mart 2022 13:00 (UTC +04:00)

Avropa İttifaqının (Aİ) Rusiyaya qarşı sanksiyalar paketinin detalları açıqlanıb.

APA xəbər verir ki, bu barədə Avropa İttifaqı Şurasının mətbuat xidməti məlumat yayıb.

“Müəyyən dövlət müəssisələri ilə bütün maliyyə əməliyyatlarını qadağan etmək;

Rusiyanın hər hansı şəxs və ya qurumuna kredit reytinqi xidmətlərinin göstərilməsini, habelə onların kredit reytinqi fəaliyyəti ilə bağlı hər hansı abunə xidmətlərinə çıxışını qadağan etmək;

Rusiyanın müdafiə və sənaye bazası ilə əlaqəli şəxslərin siyahısını genişləndirmək;

Rusiyanın enerji sektoruna yeni investisiyaların qoyulmasını qadağan etmək, o cümlədən enerji sənayesi üçün avadanlıq, texnologiya və xidmətlərə geniş ixrac məhdudiyyəti tətbiq etmək;

dəmir və polad, eləcə də dəbdəbəli mallarla bağlı əlavə ticarət məhdudiyyətləri tətbiq etmək”, - bildirilib.

Həmçinin qeyd olunub ki, Aİ Şurası Ukraynadakı vəziyyətlə bağlı Kremlin "narrativi"ni dəstəkləyən əsas oliqarxlara, lobbiçilərə və təbliğatçılara, həmçinin aviasiya, hərbi və ikili istifadə, gəmiqayırma və maşınqayırma sektorlarında əsas şirkətlərə sanksiya tətbiq edəcək.

***

14 mart

Avropa İttifaqına (Aİ) üzv ölkələr Rusiyaya qarşı dördüncü sanksiyalar paketi ilə bağlı razılığa gəlib.

APA-nın xəbərinə görə, bu barədə Aİ Şurasına sədrlik edən Fransanın "Twitter" hesabında məlumat verilib.

Bildirilib ki, Rusiyanın Ümumdünya Ticarət Təşkilatındakı (ÜTT ) "ən əlverişli ölkə" ticarət statusu ləğv ediləcək.

Həmçinin Belarusun ÜTT-yə üzvlüklə bağlı müraciətinin baxılması dayandırılacaq.

Qeyd olunub ki, sanksiyalar Rusiya iqtisadiyyatınln müxtəlif sektorlarına və induvidual şəxslərə tətbiq olunacaq.

Sanksiyaların digər təfərrüatları açıqlanmayıb.