Avropa İttifaqı-Ermənistan Tərəfdaşlıq Şurasının iclası keçiriləcək.
APA xəbər verir ki, bu barədə Aİ Şurasının mətbuat xidməti məlumat yayıb.
Bildirilib ki, fevralın 13-də Brüsseldə baş tutacaq Aİ-Ermənistan Tərəfdaşlıq Şurasının beşinci iclasında ikitərəfli münasibətlər və siyasi məsələlərə toxunulacaq%
“Tərəflər Aİ-Ermənistan Hərtərəfli və Genişləndirilmiş Tərəfdaşlıq Sazişinin və Aİ-Ermənistan Tərəfdaşlıq Prioritetlərinin icra vəziyyəti, eləcə də daha iddialı Aİ-Ermənistan Tərəfdaşlıq Gündəliyinə doğru irəliləyiş imkanları barədə fikir mübadiləsi aparacaqlar. Onlar həmçinin siyasi dialoq və islahatlar, demokratiya, qanunun aliliyi və insan haqları, iqtisadi, ticarət və sektorlar üzrə əməkdaşlıq, o cümlədən miqrasiya, mobillik və viza liberallaşdırılması dialoqunun başlanması perspektivlərini müzakirə edəcəklər".
Qeyd olunub ki, iclasda siyasi məsələlər, o cümlədən regional məsələlər, xarici və təhlükəsizlik siyasəti ilə bağlı fikir mübadiləsi aparılacaq.
Tərəfdaşlıq Şurasının iclasına Aİ-nin Xarici işlər və Təhlükəsizlik məsələləri üzrə Ali Nümayəndəsi Cozep Borrell, Ermənistan nümayəndə heyətinə isə Ermənistan Respublikasının xarici işlər naziri Ararat Mirzoyan rəhbərlik edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
