Almaniya Silahlı Qüvvələri (Bundesver) Litvada, Belarus sərhədindən bir neçə kilometr məsafədə radioelektron mübarizə (REM) bölməsi yerləşdirib.
Bu barədə "Euronews" məlumat yayıb.
Məlumata görə, Almaniya hərbçiləri Litva ərazisində qarşı tərəfin radio və radar sistemlərinin siqnallarını izləyir və ələ keçirirlər. Bundesverin terminologiyasında "EloKa" adlandırılan REM bölmələrinin maskalanmış mövqeləri və mobil kompleksləri dövlət sərhədi boyunca yerləşdirilib. Bu mövqelər meşəlik ərazilərdə adi yük avtomobilləri bazasında gizlədilir.
REM bölmələri tezliklərə nəzarət edir, məlumat ötürülməsində baş verən dəyişiklikləri qeydə alır və zərurət yaranacağı halda elektron əks-tədbirlər görməyə hazır vəziyyətdə saxlanılır. Alman mütəxəssislər yük avtomobilləri bazasında qurulan gizli postlarla yanaşı, daşına bilən mobil REM komplekslərindən də istifadə edirlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
