Baş nazir Robert Fitsoya sui-qəsd hadisəsində iştirakda şübhəli bilinən şəxs heç bir radikal qruplaşmanın üzvü olmayıb və təkbaşına hərəkət edib.
APA-nın “Pravda”ya istinadən xəbərinə görə, bunu Slovakiyanın daxili işlər naziri Matuş Şutay-Eştok bildirib.
O həmçinin hadisəni törətməkdə şübhəli bilinən şəxsin hökumət əleyhinə etiraz aksiyalarında iştirak etdiyi barədə məlumatları təsdiqləyib.
Qeyd edək ki, Robert Fitso mayın 15-də Handlovej şəhərinə səfəri zamanı sui-qəsdə məruz qalıb. Nəticədə ağır yaralanaraq xəstəxanaya çatdırılan hökumət başçısının üzərində cərrahiyyə əməliyyatı aparılıb.
Hökumətdən verilən açıqlamada Robert Fitsonun vəziyyətinin ağır olduğu bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
