Fransa Prezidenti Emmanuel Makron ölkənin müdafiə xərclərinin artırılmasını nəzərdə tutan hərbi planlaşdırma haqqında qanunu imzalayıb.
Fransa mediasının məlumatına görə, bu barədə Makron Borm-le-Mimozada keçirilən mərasimdə bildirib.
Qanuna əsasən, 2027-2030-cu illərdə müdafiə xərcləri əlavə 36 milyard avro artırılacaq. Vəsaitin informasiya təhlükəsizliyi və pilotsuz uçuş aparatları da daxil olmaqla müxtəlif hərbi istiqamətlərə yönəldilməsi planlaşdırılır.
Beləliklə, 2024-2030-cu illər üzrə Fransanın müdafiə xərclərinin ümumi həcmi 400 milyard avrodan 436 milyard avroya yüksələcək. Paris bununla NATO qarşısında müdafiə xərclərini ÜDM-in 2,5%-nə çatdırmaq öhdəliyini yerinə yetirməyi planlaşdırır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
