Böyük Britaniyada 60 ildən artıq yaşayıb-yartmış, bizneslə məşğul olan misirli milyarder Məhəmməd əl-Fayed 94 yaşında vəfat edib.
APA xəbər verir ki, bu barədə "Sky News" məlumat yayıb.
Məhəmməd əl-Fayed 1997-2013-cü illərdə İngiltərənin "Fulham" futbol klubunun sahibi olub, sonradan onu pakistanlı sahibkar Şahid Xana satıb.
Misirli milyarder 25 ildən artıqdır ki, Londonda dəbdəbəli malların satıldığı "Harrods"un da sahibi olub.
Əl-Fayed onu 2010-cu ildə 1,5 milyard funta (1,9 milyard dollar) Qətərin dövlət investisiya fonduna satıb.
Şahzadə Diana və sevgilisi əl-Fayedin oğlu Dodi əl-Fayedlə 1997-ci ilin avqustun 31-də Parisdə avtomobil qəzasında həlak olublar.
2008-ci ildə London Ali Məhkəməsində andlı iclasçılar qəzaya sürücünün səhlənkarlığı və təqib edən müxbirlərin səbəb olduğu qənaətinə gəlib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
