Gürcüstanın Oni bələdiyyəsində torpaq sürüşməsi zonasında itkin düşmüş 12 nəfərin axtarışları davam etdirilir.
APA-nın Tbilisi müxbiri xəbər verir ki, bu barədə Gürcüstan parlamentinin sədri Şalva Papuaşvili jurnalistlərə açıqlamasında deyib.
O, əraziyə çox sayda texnika və insan resurslarının cəlb edildiyini, bu vaxta qədər 21 nəfərin meyitinin tapıldığını deyib.
Parlament sədri itkin düşənlərin tapılması üçün hər şeyin edildiyini vurğulayıb.