İtaliyanın Milan şəhərində qocalar evində yağın olub, ölənlər və xəsarət alanlar var.
APA ANSA agentliyinə istinadən xəbər verir ki, gecə başlayan yanğın səhərə qədər davam edib.
Yanğın nəticəsində ölənlərin sayı 6-dır, 81 nəfər isə xəsarət alıb və ya tüstüdən zəhərlənib ki, onlar da regiondakı 15 xəstəxanaya yerləşdirilib.
Təcili Yardım Agentliyinin məlumatına görə, 2 xəstə Niguarda və San Raffaele xəstəxanalarına çox ağır vəziyyətdə gətirilib. Daha 14 nəfərin vəziyyəti orta ağır, 65 nəfər isə daha az ağır vəziyyətdədir.
Ölənlərdən 5-i qadın və 1-i isə kişidir. Qadınlardan 2-si yanaraq ölüb, 3 qadın və 1 kişi tüstüdən zəhərlənərək ölüb.
Bildirilib ki, müəssisədə 160 nəfər olub. Yanğınla bağlı araşdırma başlayıb. İndiyədək müstəntiqlər yandırma versiyasını istisna ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
