Litvada bazar günü yerli hakimiyyət orqanlarına seçkilərdə səsvermə başlayıb.
APA xəbər verir ki, bu barədə Respublika Baş Seçki Komissiyası məlumat yayıb.
“Saat 07:00-da açılan seçki məntəqələri saat 20:00-a qədər işləyəcək, bundan sonra səslərin hesablanmasına başlanacaq”, - komissiya qeyd edib.
Bələdiyyə seçkilərində sakinlər şura deputatlarını və inzibati vahidlərin merlərini seçirlər. 2,385 milyon insanın səsvermə hüququ var. Bu, 2019-cu il seçkiləri ilə müqayisədə 75,8 min nəfər azdır. Seçicilərin sayının azalması mənfi artım hesabına və əhalinin təbii azalması ilə əlaqələndirilir.