Mən Türkiyə və ABŞ arasında F-16-larla bağlı istənilən dialoqu alqışlayıram.
APA xəbər verir ki, bunu NATO Baş katibi Yens Stoltenberq Vilnüsdə NATO İctimai Forumunda çıxışında deyib.
O bildirib ki, F-16-la bağlı qərarın verilməsi ABŞ hökumətinin üzərinə düşür.
Stoltenberq vurğulayıb ki, NATO hər zaman müttəfiqlər arasında hərbi təchizatlarla bağlı məhdudiyyətlərin aradan qaldırılmasını dəstəkləyib.