Türkiyənin təsirli müdafiə sənayesi bazası var.
APA xəbər verir ki, bu barədə Baş katib Mark Rutte NATO Xarici İşlər Nazirlərinin qeyri-rəsmi toplantısından sonra keçirdiyi mətbuat konfransında deyib.
NATO-dan Trampın Sülh Səylərinə Tam Dəstək
Rutte bildirib ki, NATO olaraq ABŞ Prezidenti Donald Trampın Ukraynada müharibəyə son qoymaq istiqamətindəki səylərinə tam dəstək verirlər: “Biz Prezident Trampın Ukraynada müharibəyə son qoymaq səylərinə tam dəstəyimizi bir daha təsdiqləyirik".
Ukraynaya Yardım: Müdafiə üçün, Müharibə üçün Yox
"Ukraynaya dəstəyimiz müharibənin davam etməsi üçün deyil, bu ölkənin gələcəkdə özünü müdafiə edə bilməsi üçündür”, - o qeyd edib.
Türkiyənin Diplomatik Rolu NATO-nun Diqqətində
NATO Baş katibi Türkiyənin bölgədəki diplomatik roluna da diqqət çəkib: “Türkiyənin bir araya gətirmə gücü bəllidir. Bunu hər gün görürük”, – Rutte İstanbulda keçirilən Rusiya-Ukrayna sülh danışıqları ilə bağlı bildirib.
NATO Baş Katibi Türkiyənin Müdafiə Sənayesini Barədə
NATO Baş katibi Türkiyənin müdafiə sənayesinin gücünü də xüsusi vurğulayıb: “Türkiyə təsiredici müdafiə sənayesi bazasına malikdir. ABŞ və Avropanın bütün sənaye sektorları və ölkələri ilə sıx əməkdaşlıq edir”.
Rutte: “Rusiya NATO-nun İqtisadi Potensialının Cəmi 5%-nə Sahibdir”
Onun sözlərinə görə, Rusiya cəmi üç ayda NATO-nun bir ildə istehsal etdiyi qədər sursat istehsal edir. Bununla yanaşı, Rusiyanın iqtisadi gücü NATO ölkələrinin ümumi iqtisadi potensialının cəmi beş faizini təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
