Gürcüstanın NATO-ya üzvlüyü yalnız Tbilisidən asılı deyil.
APA-nın Tbilisi müxbiri xəbər verir ki, bunu Gürcüstan parlamentinin sədri Şalva Papuaşvili deyib. Alyansın Gürcüstanla bağlı mövqeyində uzun müddətdir ki, dəyişiklik olmadığını deyən spiker sabiq Prezident Eduard Şevarnadzenin NATO-nun “açıq qapı” siyasəti ilə bağlı yarızarafat xəbərdarlığını xatırladıb:
“Bizi qapının ağzında çox saxlamayın, küləkdən soyuqlaya bilərik”.
Şalva Papuaşvili qeyd edib ki, 2008-ci ildə keçirilən Buxarest sammitindən sonra NATO-nun Gürcüstanın alyansa üzvlüyü ilə bağlı yanaşmasında çox az keyfiyyət dəyişikliyi olub və təşkilat sadəcə olaraq Gürcüstana üzvlüklə bağlı verdiyi vədini sammitdən sammitə təkrarlayır.
“2008-ci ildə alyans Buxarest sammitində Gürcüstanın NATO üzvü ola biləcəyini bəyan etdi, lakin həmin vaxtdan NATO-nun Gürcüstanın üzvlüyü ilə bağlı yanaşmasında keyfiyyat anlamında çox az dəyişiklik olub. Ötən onillik ərzində Gürcüstan demokratik institutlarını əsaslı şəkildə dəyişdirib, avtoritar idarəçilik sistemini geridə qoyub və müdafiə imkanlarını NATO standartlarına uyğunlaşdırıb. NATO isə üzvlüklə bağlı vədini sammitdən sammitə təkrarlayır”, - spiker deyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
