Biz NATO ilə siyasi dialoqu və praktiki əməkdaşlığı bütün istiqamətlərdə daha da dərinləşdirməyə hazırıq.
APA-nın Tbilisi müxbiri xəbər verir ki, bunu Brüsseldə səfərdə olan Gürcüstan Baş naziri İrakli Qaribaşvili Yens Stoltenberqlə mətbuata birgə açıqlaması zamanı deyib. Hökumət başçısı görüşün hazırki təlatümlü təhlükəsizlik çağırışları fonunda baş tutduğunu xatırladıb.
O əlavə edib ki, Ukraynadakı müharibə həm Gürcüstan, həm region, həm də Avropanın təhlükəsizlik arxitekturası üçün ciddi çağırışdır.
Baş nazir qeyd edib ki, Gürcüstanın özünün davam edən Rusiya işğalı problemi var.
“Gürcüstan etibarlı tərəfdaşlardan biri kimi alyansın missiyalarına töhfə verməyə dair yaxşı təcrübəyə malikdir. Biz Avro-Atlantik sülh və təhlükəsizliyə töhfə veririk və bu, hər kəsə məlumdur”, - deyə hökumət başçısı bildirib.
Qaribaşvili vurğulayıb ki, Avro-Atlantik inteqrasiya Gürcüstan xarici siyasətinin əsas prioriteti olaraq qalır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
