2023-cü ilin əvvəlindən Ukrayna Qərb ölkələrindən təqribən 30 milyard ABŞ dolları maliyyə yardımı alıb.
APA xəbər verir ki, bu barədə Ukraynanın Baş naziri Denis Şmıqal Nazirlər Kabinetinin iclasında bildirib.
“Tərəfdaşlarla aparılan iş nəticəsində Ukraynaya təqribən 30 milyard dollarlıq yardımı cəlb etməyə nail olunub”, - deyə Baş nazir qeyd edib. Hökumətin iclasından olan videogörüntü Denis Şmıqalın teleqram kanalında yayımlanıb.
Bundan əvvəl Şmıqal bildirib ki, 2023-cü ildə Ukrayna büdcəsinin hərbi xərcləri 48,7 milyard dollara çatacaq.
Cari il Ukrayna büdcəsində 38 milyard dollar məbləğində rekord defisit nəzərdə tutulub. Ölkə Prezidenti Volodimir Zelenski büdcə defisitini bağlamaqda Qərbin Kiyevə kömək edəcəyinə ümidvar olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
