Türkiyə İsveçin NATO-ya üzvlüyünün qəti şəkildə əleyhinə deyil.
APA-nın İstanbul müxbirinin verdiyi xəbərə görə, bu barədə Türkiyə Böyük Millət Məclisinin sədri Numan Kurtulmuş “Milliyet” qəzetinə müsahibəsində deyib.
O qeyd edib ki, İsveç terrora dəstəyi dayandırmalı, Türkiyə düşmənlərini qorumaqdan əl çəkməlidir.
“Onların heç birindən əl çəkmədiyini görürük. Finlandiya addım atdı və Türkiyə NATO-ya daxil olması ilə bağlı üzərinə düşən vəzifələri yerinə yetirdi. İsveç öz ev tapşırığını etməlidir. Bu təxribatçı hərəkətlərin qarşısını almalı, Türkiyəyə düşmən olan terror təşkilatlarının rəhbərlərini ekstradisiya etməlidir”, - deyə o vurğulayıb.
Kurtulmuş əlavə edib ki, verdiyi vədləri yerinə yetirməyən İsveç üçün hazırkı vəziyyətdə NATO üzvlüyünü gözləmək yanlış arzu olaraq qalır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
