Türkiyə və Avropa İttifaqı bu gün 781 milyon avroluq saziş imzalayacaq.
APA-nın İstanbul müxbirinin verdiyi xəbərə görə, bu barədə Avropa İttifaqının Qonşuluq və Genişlənmə üzrə komissarı Oliver Varhelyi Ankarada Türkiyə xarici işlər naziri Hakan Fidan ilə birgə mətbuat konfransı zamanı bildirib.
O qeyd edib ki, bu vəsait Türkiyədə yerləşən suriyalılar üçün istifadə olunacaq. Varhelyinin sözünə görə, bu saziş Aİ-nin miqrantlarla bağlı imzaladığı ən çox vəsait nəzərdə tutan sənəddir.