Ukraynanın ən böyük AES-indəki yanğın söndürülüb
Ukraynada Zaporojye AES-in təlim-tədris korpusunda başlayan yanğın söndürülüb.
APA-nın UNİAN-a istinadla xəbərinə görə, bu barədə Ukraynanın Fövqəladə Hallar Dövlət Xidməti məlumat verib.
Qeyd olunub ki, Enerqodar şəhərindəki yanğın saat 06.20-də (08.20 Bakı vaxtı) söndürülüb. Ölən və xəsarət alan yoxdur.
***
08.15
Zaporojye AES-in təlim-tədris korpusunda başlayan yanğın lokallaşdırılıb.
APA-nın UNİAN-a istinadla xəbərinə görə, bu barədə Ukraynanın Fövqəladə Hallar Dövlət Xidməti məlumat verib
Qeyd olunur ki, saat 05.55-də (Bakı vaxtı ilə 07.55) Zaporojye AES-in təlim-tədris korpusunda 2 min kvadrat metr sahədə yanğın nəzarət altına alınıb. Ölən və xəsarət alan yoxdur.
***
06.52
Ukrayna Prezidenti Volodimir Zelenski Zaporojye AES-də başlayan yanğınla bağlı Avropa liderlərinə müraciət edib.
APA-nın UNİAN-a istinadla xəbərinə görə, müraciət dövlət başçısının Teleqram kanalında yerləşdirilib.
“Avropalılar, yuxudan ayılın. Avropanın ən böyük AES-i yanır. Burada 6 enerji bloku var. Çernobılda cəmi 1 blok partlamışdı. Ukraynada 15 atom enerji bloku var. Burada partlayış Avropanın sonu ola bilər”, - deyə Ukrayna lideri bildirib.
Zelenski hadisə ilə əlaqədar Şarl Mişel, Olaf Şolts, Anjey Duda, Boris Conson və AEBA-nın rəhbəri Rafael Qrossi ilə əlaqə saxlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
