Böyük Britaniya dövlət orqanları Kent qraflığında yerləşən həbsxanada məhbuslar tərəfindən ələ keçirilmiş korpusa nəzarəti bərpa ediblər.
APA-nın BBC-yə istinadən yaydığı məlumata görə, “Swaleside” həbsxanasında 60-a yaxın məhbusun iştirak etdiyi üsyanı yatırmaq üçün “Tornado” xüsusi təyinatlılarını cəlb etmək zərurəti yaranıb. Bütün məhbuslar təslim olub və kameralara qayıdıblar.
Əməliyyat nəticəsində heç kim xəsarət almayıb.
***
Saat 00:59
Böyük Britaniyanın Kent qraflığında 50-dək məhbus üsyan qaldıraraq həbsxanadakı korpuslardan birini ələ keçiriblər. APA-nın “RİA Novosti”yə istinadən verdiyi xəbərə görə, insident Şeşi adasındakı “Swaleside” həbsxanasında baş verib. “Sky News”-ün məlumata görə, hazırda iğtişaşlar davam edir.
İnsident nəticəsində xəsarət alanların olub-olmadığı barədə xəbər verilmir.
Qeyd edək ki, dekabrın 16-da Birmingem qraflığındakı həbsxanalardan birində saxlanılma şəraitindən narazı olan 600-dək məhbus üsyan qaldırıb. Həbsxanaya tam nəzarət 12 saatdan sonra bərpa edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
