Bakı. Rüfət Əhmədzadə - APA. Türkiyə Böyük Millət Məclisində (TBMM) Cümhuriyyət Xalq Partiyasını (CHP) təmsil edən millət vəkili Əminə Ülkər Tarhan partiya rəhbərliyinin prezident seçkiləri dövründəki fəaliyyətini sərt tənqid edib. APA-nın “Hürriyet”ə istinadən verdiyi məlumata görə, Ə. Ü. Tarhan bu sözləri CHP-dən olan digər millət vəkilləri Nur Sərtər və Süheyl Batum ilə birgə keçirdiyi mətbuat konfransında deyib.
Tarhan partiyanın uğursuzluğunda CHP lideri Kamal Kılıçdaroğlunun məsuliyyət daşıdığını bidlirib: “Türkiyədə ilk dəfə xalq səsverməsi ilə gerçəkləşən prezident seçkilərindən müxalifət çox ağır bir məğlubiyyətlə çıxdı – rəhbərliklər əksini desə də”.
O, Ərdoğanın qələbəsini daha çox müxalifətin uğursuz namizəd seçimi və kampaniyanın düzgün aparılmaması ilə əlaqələndirib.
Tarhan CHP-nin Mustafa Kamal Atatürkün prinsiplərindən uzaqlaşdığını dilə gətirərək, təcili yenidənqurmaya ehtiyac olduğunu qeyd edib və K. Kılıçdaroğlunu istefaya çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
