Avropa

Ana səhifə

Avropa

Yaponiya sahillərində ABŞ esminesi yük gəmisi ilə toqquşub, yaralanan və itkin düşənlər var - YENİLƏNİB-1

Yaponiya sahillərində ABŞ esminesi yük gəmisi ilə toqquşub, yaralanan və itkin düşənlər var - <span style="color: red;">YENİLƏNİB-1

17 iyun 2017 04:16 (UTC +04:00)

Yaponiya sahillərində ABŞ esminesi ilə Filippinə məxsus yük gəmisinin toqquşması nəticəsində 4 nəfər xəsarət alıb, 7 nəfər itkin düşüb.

APA-nın məlumatına görə, bu barədə Reuters agentliyi ABŞ Hərbi-Dəniz Qüvvələrinə istinadən məlumat verib.

Məlumata əsasən, yaralılardan biri “USS Fitzgerald” esminesinin kapitanıdır. O, və daha üç hərbçi ABŞ Hərbi-Dəniz Qüvvələrinin hospitalına çatdırılıb, vəziyyətlərinin sabit olduğu bildirilir.

Yaponiya Sahil Mühafizəsi İdarəsinin məlumatına görə, qəza nəticəsində itkin düşən 7 ABŞ hərbçisinin axtarışına 5 zirehli kater və aviasiya dəstəsi cəlb edilib.

Xatırladaq ki, yerli vaxtla saat 02:30-da Yaponiyanın Yokosuka şəhərindən 103 km cənub-qərbdə ABŞ Hərbi-Dəniz Qüvvələrinə məxsus “USS Fitzgerald” esminesi Filippin bayrağı altında üzən “ACX Crystal” yük gəmisi ilə toqquşub.

***

03:11

Yaponiya sahillərində ABŞ esminesi ilə Filippinə məxsus yük gəmisinin toqquşması nəticəsində 1 nəfər xəsarət alıb, 7 nəfər itkin düşüb.

APA-nın məlumatına görə, bu barədə NHK telekanalı xəbər verib.

Gəmilər Yokosuka şəhərindən 103 km cənub-qərbdə toqquşub. Qəzanın səbəbləri barədə məlumat verilmir.

***

01:28

Yaponiyanın Yokosuka şəhəri yaxınlığında ABŞ esminesi ticarət gəmisi ilə toqquşub.

APA-nın xəbərinə görə, bu barədə Reuters agentliyi ABŞ Hərbi-Dəniz Qüvvələrinə istinadən məlumat verib.

Məlumata görə, “USS Fitzgerald” esminesi Yokosuka şəhərindən 103 km cənub-qərbdə ticarət gəmisi ilə toqquşub. Zərərçəkənlərin sayı müəyyənləşdirilir. Bildirilir ki, ABŞ Hərbi-Dəniz Qüvvələri yardım üçün Yaponiya sahil mühafizəsinə müraciət edib.