Ukrayna Prezidenti Vladimir Zelinski Böyük Britaniyanın Baş naziri Rişi Sunak ilə telefon danışığı aparıb.
Tərəflər Qara dənizdə naviqasiya təhlükəsizliyinə təhdidləri müzakirə edib və “Taxıl dəhlizi sazişi”nin qlobal ərzaq təhlükəsizliyi üçün vacib olduğunu vurğulayıblar.
APA xəbər verir ki, bu barədə Ukrayna Prezident Administrasiyasının Ofisi məlumat yayıb.
V.Zelenski alternativ yollarla taxıl ixracatını davam etdirməyə hazır olduqlarını bildirib.
“Biz bunu davam etdirməyə hazırıq. Naviqasiya təhlükəsizliyi, xüsusən də Odessa bölgəsindəki hava hücumundan müdafiə sistemini təmin etmək üçün tərəfdaşların köməyinə ehtiyacımız var. Bizə bölgədə hava hücumundan müdafiəni əhəmiyyətli dərəcədə gücləndirilmək lazımdır”
Tərəflər iki ölkə arasında müdafiə sahəsində əməkdaşlığın, o cümlədən Böyük Britaniya nümayəndələrinin payızda keçiriləcək Müdafiə Sənayesi Forumunda iştirakının vacibliyini qeyd ediblər.
Zelenski və Sunak bildiriblər ki, G7 ölkələri Ukraynaya dəstək haqqında birgə bəyannamələri çərçivəsində ikitərəfli təhlükəsizlik zəmanətləri üzərində işləməyə başlayıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
