Bakı Ağır Cinayətlər Məhkəməsində iki nəfəri bıçaqlamaqda təqsirli bilinən, 2004-cü il təvəllüdlü Nurlan Abdullazadənin cinayət işi üzrə məhkəmə prosesi başa çatıb.
APA-nın məlumatına görə, hakim Ramella Allahverdiyevanın sədrliyi ilə keçirilən məhkəmə iclasında hökm oxunub.
Hökmə əsasən, Nurlan Abdullazadə barəsində şərti cəza təyin edilib.
Qeyd edək ki, hadisə 2019-cu ilin mart ayında Nəsimi rayonunda "Qış Parkı" kimi tanınan ərazidə baş verib. 2004-cü təvəllüdlü N.Abdullazdə kütləvi davada 19 yaşlı Eyvazov Muradəli Sidqəli oğlu və 22 yaşlı Nəsirov Sübhan Sarıbala oğlunu bıçaqlayıb. İttihama görə, dava qız üstündə yaranıb.